മാതൃഭൂമി 08-03-2009
അബുദാബി: യു.എ.ഇ.യില്‍ ജോലിചെയ്യുന്ന വിശ്വകര്‍മ സമുദായ അംഗങ്ങളുടെ സംഘടന 'വിശ്വകര്‍മ യു.എ.ഇ' രൂപവത്കൃതമായി. സംഘടനയുടെ ആദ്യ ജനറല്‍ബോഡി ദുബായ് ലിറ്റില്‍ ഫ്‌ളവര്‍ സ്‌കൂളില്‍ യോഗം ചേര്‍ന്ന് ഭാവിപരിപാടികള്‍ ആസൂത്രണം ചെയ്തു.യു.എ.ഇ.യില്‍ 50,000ത്തോളം വിശ്വകര്‍മജര്‍ ജോലിചെയ്യുന്നുണ്ടെന്നും ഇവരെ ഒരുമിച്ച് കൊണ്ടുവന്ന് ക്ഷേമപദ്ധതികള്‍ ആസൂത്രണം ചെയ്യുമെന്നും കലാ സാംസ്‌കാരികപരിപാടികള്‍ സംഘടിപ്പിക്കുമെന്നും സംഘടനയുടെ ഭാരവാഹികള്‍ പറഞ്ഞു. മെയ് രണ്ടാം വാരം ദുബായില്‍വെച്ച് സംഘടനയുടെ ഉദ്ഘാടനസമ്മേളനം നടക്കും. ഇന്ത്യയില്‍ ഔദ്യോഗികരംഗത്തും കലാസാംസ്‌കാരികരംഗത്തും പ്രശസ്തരായ വിശിഷ്ടവ്യക്തികള്‍ സമ്മേളനത്തില്‍ പങ്കെടുക്കും.യോഗത്തില്‍ കെ. ശശികുമാര്‍ സ്വാഗതം പറഞ്ഞു. പ്രസിഡന്റ് പി.എസ്. ചന്ദ്രന്‍ അധ്യക്ഷതവഹിച്ചു. സംഘടനയുടെ വെബ്‌സൈറ്റ് http://viswakarmauae.blogspot.com/ ചടങ്ങില്‍ വക്കം ശ്രീകുമാര്‍ പ്രകാശനം ചെയ്തു. ശശിധരന്‍, മോഹന്‍ദാസ്, ചൈത്രം മോഹന്‍, രാജന്‍ പി. തൊടിയൂര്‍, കെ.പി. ശശി, സരിത തുടങ്ങിയവര്‍ പ്രസംഗിച്ചു.
കുട്ടികളുടെ ഉന്നത വിദ്യാഭ്യാസം ഉറപ്പാക്കുക.സ്ത്രീ ശാക്തീകരണത്തിലൂടെ സമുദായ ശാക്തീകരണം സഫലമാക്കുക
